ការចរចាគ្រោងនឹងចាប់ផ្តើមនៅពេលខាងមុខ។
ព័ត៌មានលំអិត៖ យោងតាមប្រភពពី Ekrem Konur បានឲ្យដឹងថា ក្រុមអ៊ីតាលី Como ដែលដឹកនាំដោយ Cesc Fàbregas កំពុងរៀបចំការដេញថ្លៃជាផ្លូវការសម្រាប់ខ្សែបម្រើស្លាបស្តាំវ័យ 24 ឆ្នាំ Geny Catamo ដែលលេងឱ្យ Sporting Lisbon និងក្រុមជម្រើសជាតិម៉ូសំប៊ិក។
របាយការណ៍បង្ហាញថាការផ្តល់ជូនដំបូងនឹងមាន 20 លានអឺរ៉ូ ប៉ុន្តែ Catamo ក៏ស្ថិតនៅក្នុងរ៉ាដានៃក្លឹបផ្សេងទៀតជាច្រើន រួមទាំងក្លឹបយក្សទួរគី Fenerbahçe ដែលអាចជះឥទ្ធិពលយ៉ាងខ្លាំងដល់តម្លៃផ្ទេរ។
នាពេលបច្ចុប្បន្ននេះ Como កំពុងពិនិត្យយ៉ាងយកចិត្តទុកដាក់នូវរាល់ចំនុច និងព័ត៌មានលម្អិតនៃកិច្ចសន្យាបច្ចុប្បន្នរបស់ Catamo ដើម្បីធ្វើសំណើជាក់ស្តែង។
កាលពីរដូវកាលមុន Catamo បានបង្ហាញខ្លួនក្នុងការប្រកួតចំនួន ៤៨ លើកសម្រាប់ Sporting ដោយស៊ុតបាន ៧ គ្រាប់ និងបញ្ជូនបាល់ឲ្យមិត្តរួមក្រុម ៥ ដង។ កិច្ចសន្យាបច្ចុប្បន្នរបស់គាត់ជាមួយក្លឹប Lisbon ដំណើរការរហូតដល់ឆ្នាំ 2028 ហើយតម្លៃទីផ្សាររបស់គាត់ត្រូវបានប៉ាន់ប្រមាណថា 18 លានអឺរ៉ូដោយ Transfermarkt ។
